柳莉顏 韓國美魔女

20220725
東網電視
更多新聞短片
韓國網紅柳莉顏嘅顏值超高,令人一見傾心。(互聯網)
喺現今網紅當道嘅年代,只要打開社交頻道便可以搵到唔少養眼又性感嘅網紅,而當中又點少得韓國網紅呢?其中就有呢位唔單止樣靚,身材更正嘅柳莉顏喇!
與別不同
作為韓國人氣網紅之一嘅佢,外形真係勁正,前凸後趷嘅身材,配合貼身迷你裙,極具曲線美,一對修長美腿更係令人流晒口水。佢最為迷人嘅地方,更在於散發出一股姊系氣質,同青春樣貌有啲反差嘅成熟韻味,同其他網紅好與別不同,只係點解佢嘅氣質會咁特別呢?
話說佢以網名「Yu Rain」喺韓國網絡爆紅時,唔少人都覺得佢相當面善,其後佢喺社交平台上公開自己嘅身份,原來佢就係人氣賽車女郎柳莉顏,大家才恍然大悟,事關佢係唔少男士心目中嘅美腿女神,同時大家亦明白點解佢擁有年輕美貌卻散發出成熟嘅氣質,原因係佢今年已經33歲,不得不慨嘆,韓國女生真係駐顏有術呀!
人氣飆升
早喺2014年佢以賽車女郎身份出道,憑住迷人外形,尤其係一對美腿相當煞食,到2015年可謂佢嘅事業轉捩點,事關先後喺首爾車展及房車超級賽上亮相,成功令人氣爆發,同時佢又喺遊戲展擔任活動女郎,性感嘅造型不但令佢成為全場焦點,更令佢嘅名字成為網絡熱搜詞。
人氣飆升後,佢嘅工作範圍亦廣及格鬥比賽嘅舉牌女郎、車模及DJ等,亦因為咁嘅緣故,2016年開始經營社交平台。既然係咁,點解佢又會以另一藝名開始網紅事業呢?原來一切係無心插柳之舉,2019年佢為咗區分工作及私生活,便以「Yu Rain」之名經營IG平台,並分享各種福利相,卻估唔到令佢爆紅。及至今日,佢一邊經營網紅事業,一邊繼續賽車女郎工作,吸金力真係超勁!
Profile
出生地:韓國
身高:172cm
三圍:36D-25-35
老實講,如果柳莉顏當初唔係喺社交平台表露賽車女郎嘅身份,真係估唔到佢嘅年齡已經係3字頭,絕對係網紅界嘅美魔女。如果大家想了解佢多啲,就要Click入佢嘅社交網,當然唔少欣賞佢嘅性感福利照啦!