吳紫韻為做慈善「赤腳行路」積極接受訓練

無綫主播吳紫韻（Purple）稍後會聯同余曉彤、李芷晴及李亦喬等「赤腳行」為慈善機構籌款，最近她接受相關訓練，她表示:「我哋6個女仔會以接力形式行勻全香港，目標係一日行30公里，因為我哋唔習慣赤腳行，所以要學習正確行路姿勢同點樣保護雙腳，又要學吓點樣鬆筋，我自己喺疫情期間肥咗好多，好少運動，所以我都要調整番整個身體機能，就算著鞋行30公里都有困難，唔著應該會爛腳，可能要貼保護膠紙，但作用未必好大，尤其天氣熱，我怕行到起水泡。」

Purple透露原定6月進行該計劃，但因疫情而延期至10月，現時大家會分開練習，她說：「今次對我嚟講係好大挑戰，都算係極限，希望籌到嘅錢可以幫助貧窮地區小朋友買鞋同埋物資。」