賀與孫耀威結婚5周年　陳美詩甫婚照大講愛的宣言

藝人孫耀威同老婆陳美詩向來恩愛，係圈中數一數二嘅模範夫妻，昨日（29日）係佢哋結婚5周年紀念日，陳美詩就喺社交網大晒2人當年婚照，又以英文留言大講愛的宣言：「Life is never easy, but let's walk together hand in hand in love.」指雖然生活難捱，但慶幸有老公陪伴，手挽手一齊行落去，字裏行間非常甜蜜。唔少網友都大讚溫馨浪漫，又紛紛留言送上祝福，祝願佢哋一直幸福，共度更多個結婚周年。