歐瑞偉大晒23歲愛女畢業相　Nicole甜美可人驚喜撞樣游嘉欣

藝人歐瑞偉因《愛·回家之開心速遞》KC一角為人熟悉。日前佢嘅23歲愛女Nicole終於畢業，不過歐瑞偉因為要拍劇，唔能夠飛去新加坡，唯有靠太太現場直播Nicole嘅畢典禮。歐瑞偉仲喺社交網大晒愛女嘅畢業靚相，相中見Nicole同媽咪一樣生得咁靚女，而Nicole仲同藝人游嘉欣非常似樣，相當甜美可人。而歐瑞偉雖然靠手機觀禮，但依然為愛女感到非常開心，更露出慈父笑容，場面溫馨，佢仲喺貼文寫到：「終於畢業了，雖然冇得飛到現場觀禮，唯有睇直播。」