泳兒開騷做足安全措施 用膠紙黐鞋底防跣腳

20220730
東網電視
更多新聞短片
歌手泳兒和曾樂彤今晚(30日)現身伊館擔任灣仔節的表演嘉賓,蘇永康任壓軸,曾樂彤稱很久未有踏上大舞台,可能太耐冇見觀眾,有種既陌生又熟悉的感覺。
早前MIRROR 演唱會發生冧屏幕嚴重事故,震驚全城,泳兒自認一向驚青,做事會小心,好像每次綵排都一定會穿着出騷的鞋,她稱自己很怕行樓梯,可能本身畏高關係,笑言平日屋企行路都會一仆一碌。曾樂彤表示試過用膠紙黐鞋底防跣腳,膠紙卻因為黐力太強,竟然扯甩整個鞋底,相當尷尬。
泳兒透露為新歌拍攝MV,是入行以來動用最多Dancer的一次,她說:「今次用10幾個Dancer,我唔係跳唱歌手,今次我要跳,有佢哋令我自信心加強,我之前不停Chur想早啲排舞,自己都緊張,所以練咗好耐。」笑言練了十幾年就是為了此首歌。問到是否覺得舞蹈員付出很大,她說:「覺得每一個單位都好緊要,除了Dancer,幕後編曲填詞和監製同樣緊要,我希望畀到足夠時間畀所有人去準備,唔係淨係諗自己,好似我跳舞要好多時間,寫歌和作曲都要時間,所以每一個人喺我心目中都係緊要嘅。」