鄧卓殷爆郭子豪冇求婚：我未見過隻戒指！

前港姐葉蒨文（Sophie）和鄧卓殷（Amber）今日（1日）擔任綜藝節目《答得快 好世界》的嘉賓，Sophie自嘲無智慧，惟有鍛鍊身手及反應，鬥快按鐘搶答：「我係筋肉型，唔係賣學歷，我係反面教材畀小朋友，唔好似我咁唔讀書。」身為學霸的Amber表示擅長普通話、英文及數理方面。

提到Amber的男友郭子豪之前提到買定戒指求婚，她稱自己也是看報道才知道，但事實上並沒有被求婚：「我真係冇見過隻戒指。（可能報道咗出嚟，所以佢要改變計劃？）我唔知，如果再有報道就冇驚喜。（期待驚喜？）順其自然，我冇幻想過。（佢求婚你會唔會答應？）到時先知，要睇吓佢有冇誠意。（有結婚計劃？）細個就想30歲前結婚，依家差唔多到30歲，又會覺得距離結婚仲有段距離，感覺自己仲係好後生。」