G奶熊熊自爆住凶宅與鬼同眠　網民錯重點：我都想同你同床

台灣G奶女星熊熊（卓毓彤）不但「乳」出驚人，亦非常敢言，故成為唔少綜藝清談節目嘅常客，近日踏入農曆7月「鬼門開」，佢就亮相節目自爆原來曾住過凶宅，指初出道時曾以8千元台幣（約2千1百港元）月租約700呎單位，本來見租金咁平以為執到寶，豈料住落先發現怪事連連，經常半夜感覺到有人入屋掀被上床同眠，其室友更因此搞到神經衰弱，至有次一位有陰陽眼嘅朋友作客，直指驚見女鬼，熊熊最終決定退住，及後翻查先得知原來該單位發生過滅門命案，令熊熊直呼心寒，但仍慶幸走得及時。網民均對其經歷大表同情，不過亦有粉絲錯重點，笑指：「我想同你同床多啲！」