So Ching置頂情侶片不離不棄　取消關注花姐魯生惹揣測

男團MIRROR於紅館演唱會發生大型屏幕塌下意外，受傷舞蹈員、COLLAR成員So Ching男友李啟言（阿Mo）嚴重受傷，依家仲喺ICU留醫。當晚凌晨So Ching即聲到ICU外了解男友傷勢，憂心忡忡嘅佢自當日之後就未有再見人，粉絲都好擔心佢嘅心理狀況。最近就有網友發現，So Ching靜悄悄地將社交網頭3個置頂Post全部轉為佢同阿Mo嘅情侶合跳片及合照，明顯係以行動證明對男友不離不棄，力撐阿Mo捱過生死關頭！

另尋日（2日）阿Mo父親李盛林牧師發出代禱信，請大家為阿Mo和另外兩位傷者張梓峯（阿峯）和羅德智（Zisac）祈禱，感謝各界為兒子祈禱，並感謝阿Mo女友So Ching的陪伴，他指出：「除了神以外，她成為他極大的支持。」

而翻查So Ching社交網，發現她已取消追蹤MIRROR經理人花姐、公司MakerVille、ViuTV、魯庭暉及排舞總監Rock Sir的社交網。