連詩雅操Fit騷水着留倩影 被陳家樂嫌太瘦

2022年08月04日 18:14
東網電視
更多新聞短片
歌手連詩雅(Shiga)為無綫節目《答得快 好世界》錄影,自嘲向來玩遊戲最渣,故心情緊張,寄望未有拖累隊友,雖然近期經常參與遊戲節目,但表現仍有待改進。
談到早前與女性朋友開泳池派對,還大晒弗爆身段,問到是否努力操弗?她說:「不嬲都有操嘅,我去泳池前都有再操吓,係想留倩影啫,年紀愈大要更加努力先Keep到!(未來老公陳家樂有冇讚你?)佢話我好瘦,但我不嬲都以健康為先。(係咪太瘦唔好攬?)我覺得OK,依家佢唔喺香港,可以試吓隔住個Mon攬。(有冇隔住Mon Kiss?)冇呀!佢都忙,傾偈係講近況多啲。」
對於婚期,她不諱言疫情佔最大因素,因連摘日子也存在困難,即使想飛外地舉行婚禮,但回港後又要隔離:「啲朋友都請唔到咁多假啦,連婚紗相都未影,估計今年未必成到事。(有冇睇訂婚紗?)有啲品牌話想造畀我,問我有冇興趣,但睇吓到時身形點,依家未夠弗。」提到陳家樂有份演出的電影《神探大戰》正在上映,她透露曾想過待家樂返港才一起捧場,但現時心思思想先睹為快:「因為太多人討論套戲,所以想睇咗先,都知套戲有少少Dark,我又驚又想睇,佢應該9月先返,但我希望唔好太耐啦!」