何猷君奚夢瑤七夕派心放閃　佘詩曼單身都不愁寂寞

昨日（4日）係農曆七月初七、七夕情人節，唔少圈中人都有應節，其中賭王四房兒子何猷君同內地超模太太奚夢瑤向來恩愛，昨日佢哋都有合照放閃，不但齊齊着上黑色情侶裝，仲一人一隻手拼出心型手勢，加埋相中嘅心心濾鏡，認真甜蜜滿瀉。而另一Pair情侶檔莊思明同楊明都有灑糖，莊思明晒出2人同框片段，之後又喺橋上合照，情到濃時仲忍唔住公然錫錫，真係「閃到盲」！

至於身為單身貴族嘅佘詩曼，即使自己一個過節都不愁節目，佢喺社交網晒出靚靚影片，片中加滿心心圖案之餘，最尾仲以特效做出單眼放電動作，並祝大家七夕快樂，成功冧暈唔少網民。