姚焯菲難忘搭應援巴士　想約聲夢朋友打邊爐

聲夢小花姚焯菲（Chantel）今日（5日）以仁濟愛心之星身份出席慈善活動，期間與小學生一齊玩遊戲。Chantel笑言學生們非常可愛，當聽到他們大合唱時即起雞皮，講到義工，她透露一直也有參與義工服務：「我有試過賣旗、喺沙灘執垃圾、喺圖書館幫忙同探訪老人，依家最想幫助流浪動物，因為我好鍾意貓同狗。（做義工時有冇難忘事？）記得之前去館書館做義工，當時冇媽咪陪我，我好驚，唔知識唔識到朋友。」

至於暑假，Chantel稱除了工作外，也有預留跟朋友去玩的時間：「最想係約聲夢啲朋友一齊去打邊爐或者去主題樂園玩，之前After Class一齊工作，但都係三缺一，Gigi（炎明熹）嚟唔到，希望可以約齊人。」她指昨日乘坐了粉絲為她安排的應援巴士：「之前都試過有應援巴士，不過我就冇搭過，尋日係第一次搭。」另外，之前她自言考慮到外地讀書，她坦言仍跟家人商量中，問到她的意願，她說：「我覺得喺香港同外地讀書都可以，就算我走咗去讀書，我假期都可以返嚟工作，唔會放棄香港嘅娛樂圈。」