昆凌揚言「封肚」唔再生　坦言湊3仔女冇晒私人時間

台灣天王周杰倫（周董）及太太昆凌早前再添一位小公主，而昆凌誕下第三胎後亦火速收身成功，近日佢更正式產後復出，為化妝品品牌擔任代言，其中佢分享第3胎坐月較前兩胎認真，全因打算「封肚」唔再生：「這一胎每個細節都做到，因為應該不會再生了！」又坦言湊住3個小朋友幾乎冇晒私人時間，要等到仔女同時瞓着，先可以好好保養，並指自己坐月時有圓圓「月子臉」，全靠Keep住按摩瘦臉。而講到大女小周周今年滿7歲，正係對媽媽化妝品充滿好奇嘅年紀，昆凌就會以半呃半氹方式教囡囡保養，笑指：「告訴她做臉要閉眼睛，她就會慢慢睡著，還會嚇她不能張開眼睛，張開會長皺紋。」