沈震軒北上2年太寂寞　陳欣妍勒令唔畀男友再走

藝人陳欣妍（Shirley）今日（5日）現身商場活動，她身穿腰側開窿裙微露波邊，她稱不算太性感，問到服裝是否要男友沈震軒過目？她表示：「冇問佢，佢信得過我嘅審美，最重要健康。」提到男友之前離港北上工作近兩年，最近終於返港，她稱對方今次會長期留港：「佢唔會再返上去，佢之前走得太耐，我唔畀佢再走。（幾時結婚？）好多人都咁問，但呢一兩年我想專注事業先，想有自己嘅代表作，咁就功德滿圓可以結婚。」

談到工作，Shirley透露將會再為ViuTV拍攝行山節目：「之前遇正最熱嗰日行山，由朝行到晚，工作人員好錫我，所以冇中暑，但真係好曬、好熱。」她笑言自己可算是行山界KOL，可以教大家如何行山而不曬黑。