薛世恒正計劃造人大計　惟感到一切不在控制之中

陳法拉前夫薛世恒（Daniel）今（5日）於尖沙咀出席公開活動，他於去年10月迎娶圈外女友Cherie，之後到歐洲度蜜月，問到結婚生活愉快嗎？他甜到漏表示：「我哋都幾得意，愈嚟愈糖痴豆，成日都會喺一齊，返工都會黐住。」如此恩愛，問他可有無造人大計？他笑言：「希望啦，計劃中，但呢啲唔係控制中嘅嘢，總之，努力緊、好積極。」

至於歐遊期間遇到手提電腦爆炸一事，他指因自己一感到電腦灼熱已掟開，所以只是少少灼傷，現已痊愈，因當時趕住工作，出產該手提電腦之公司亦極速安排新電腦給他，故他沒有再去追究。薛世恒今次出席活動，全因與年青創作者林芷瑩認識，對方讀犯罪心理學，剛巧他有意開拍關於犯罪心理的電影，故兩人可能有機會合作，今次對方搞活動，當然以行動支持。