張頴康慘被隊友放飛機 「億萬駙馬」伍富橋婚後幸福肥

2022年08月05日 20:58
東網電視
更多新聞短片
藝人張頴康、伍富橋、周志康、羅天宇、胡㻗等,今日(5日)在將軍澳電視城錄影遊戲節目《思家大戰》。張頴康的「痞子殿下」隊只有他一人現身,合照時更要加入其他隊伍一齊拍照,顯得相當孤單。他笑言由昨晚大家聯絡襯衫已經開始忐忑不安,更笑說:「綵排畀佢哋全部放飛機,得我自己一個,好孤獨。依家最想知係着黑色定白色衫,陳瀅噚晚就話黑色,啱啱見到朱敏瀚同JW就着白色衫,着咩色噚晚到依家煩咗18個鐘。」
「億萬駙馬」伍富橋婚後明顯發福,他笑說:「一半係幸福肥,一半係為咗健身增磅,原本6月參加健美比賽,但因為疫情GYM早前仍關閉,所以退咗賽。太太又廚藝了得呢,所以就專心增磅先。」笑問太太是否令有目的谷肥,減少狂風浪蝶?他笑說:「唔會,佢都唔係鍾意我靚仔,鍾意我敦厚。」又指「造人」隨緣,也希望有仔趁嫩生,但不會給自己太大壓力,近期則忙於教授健身,年尾將出新歌,補擺喜酒則看疫情,暫未有定案。