寫真界是非精 鬥博出位

2022年08月05日 22:00
東網電視
更多新聞短片
今次揾來寫真女優福岡南及橫野堇比併,睇吓邊個最吸睛!(互聯網)
有人嘅地方自然會有是非,喺日本寫真界亦唔例外,好似寫真女優福岡南及橫野堇咁,佢哋除咗樣子嬌俏,上圍凸出之外,亦都因為傳是非而惹來注目,今日就將兩人嚟個比併,睇吓邊個最吸睛!
飽滿鮮嫩
今年27歲嘅福岡南,擁有一副標致俏麗嘅美人胚子,氣質綺麗迷人,同早前推出性感寫真而爆紅嘅田中美奈實有幾分相似,不同嘅係,南妹身材嬌小纖巧,上圍卻擁有一對飽滿E奶,加埋肌膚鮮嫩又白裏透紅,的確夠吸睛!
佢喺2019年登場拍寫真,憑住美貌及姣好身段成功吸引注目,到2020年因受到疫情影響而工作大減,不過佢冇放軟手腳等運到,反而利用社交平台為自己製造曝光機會,結果短時間內成功吸納逾3萬位粉絲,影片更係獲得逾1億4千萬個點擊嘅佳績,之後佢更食住個勢,將自己嘅經歷寫成自傳出書,認真叻女!不過,最近佢就被人話借是非博出位,事緣係佢自爆被足球員淺野雄也性騷擾,不過唔少人都覺得佢係小題大造,引起大家注意多啲囉!
福岡南
年齡:27歲
身高:5呎
三圍:32E-22-32
魔鬼身材
除咗福岡南之外,仲有另一位惹是非嘅寫真女優一樣咁省鏡,佢就係橫野堇。今年21歲嘅佢,氣質清純,而且散發出惹人憐愛嘅病態美,男人見到好想將佢一擁入懷。同時,佢擁有一副魔鬼身材,纖巧得嚟上圍脹卜卜,而且彈性十足,一睇就知係天然冇添加。
佢喺2018年以人氣美少女團體NMB48第6期成員身份登場,之後開始拍性感寫真,憑住驕人身材令人氣增加。不過,人紅自然是非多,上年3月佢就被爆出醜聞,搭上男星橫山裕及福本大晴,仲先後同兩人上酒店過夜!消息傳出之後,橫野堇嘅清純形象完全崩壞,仲一度消失咗幾個月,直至最近佢終於收拾心情,上返水繼續拍寫真。
橫野堇
年齡:21歲
身高:5呎2吋
三圍:34F-23-33
第1回合
鬥美色
兩位女優嘅身材都係屬於纖巧巨乳型,不過論美貌,橫野堇個樣成日都好似唔同樣咁,而且個鼻偏大,唔似得福岡南咁五官精細又氣質高貴。
第2回合
鬥出路
福岡南嘅工作範圍廣闊,除咗拍寫真,亦經常做電視節目嘉實;至於橫野堇亦都唔弱,擺平是非復出之後,依然受到雜誌媒體歡迎爭相搵佢拍寫真,最近更向司儀界搵食。
第3回合
鬥叻女
橫野堇能夠成功搞掂之前之嘅是非復出已經好叻女,不過福岡南仲叻,除咗寫自傳出書,之前仲成立一間藝能事務所做埋老闆娘,全力吸金,認真叻女!
福岡南更優勝
橫野堇人細胸大又靚女,吸引力強,最近仲成功走出是非陰霾都好厲害,不過被人拍到佢同兩位男星分別去開房,形象真係大打折扣。而福岡南雖然將是非借題發揮,但係見冇反應已經收晒手冇再玩大佢,形象未至於有太大損毀,所以比橫野堇似乎稍為優勝。