32C黃嘉雯比堅尼上陣 碧波蕩漾青春逼人

2022年08月05日 23:01
東網電視
更多新聞短片
前港姐黃嘉雯與林敏驄於新劇《下流上車族》中有不少對手戲,劇中二人有曖昧關係,而嘉雯雖然飾演校長角色,更有多個不同的造型出現,青春逼人。繼之前的性感TUBE DRESS、孖辮妹造型後,日前她更以性感bikini上陣與林敏驄於水牀上拍攝,期間阿驄拖着她的手,狀甚浪漫。
今次是嘉雯首次穿着泳裝拍攝劇集,劇組當日去到大埔為他們拍攝行山玩水情節,說到她這個「校長」絕不簡單時,她笑言:「係呀!我呢個校長係有好多造型,又紥孖辮,又有啲夏日Look,返工時又會好斯文,試造型時都試咗好多個鐘,好多唔同Style, 所以呢個角色都幾多嘢玩。」她又指拍攝這場泳裝戲時,更要玩水上活動,「嗰日好曬,好多同事都曬燶咗,我哋有玩嗰啲水上設施同天鵝船,玩時真係好跣,有幾次差啲跣親。」問到要穿bikini拍攝,拍前有否刻意節食Keep fit時,她謂:「咁又無喎!不過劇組都好細心,準備咗好多防走光嘅嘢畀我,(套泳衣係咪私伙?)係劇組準備嘅, 事前都有fitting,服裝同事都好辛苦,搵咗好多套衫畀我試,每一套衫都幫我準備好多打底。」
而林敏驄接受東網訪問時說到有性感美女做拍檔,他笑謂:「我都不敢正視呀!驚引起不良反應,(你都見慣世面啦!)咁又係!」說到二人拍攝時要玩水上活動,問他有否好好照顧穿着三點式的嘉雯時,他說:「我全程都要佢扶住,(你扶佢定佢扶你呀?)一齊啦!」