郭富城送99支玫瑰賀方媛生日　罕與外父外母同框做最佳女婿

天王郭富城（城城）向來愛錫老婆方媛，佢昨晚（5日）更突然放閃，喺社交網大晒同方媛慶祝生日嘅靚相，當中見城城送上99支紅玫瑰，2人又背對背頭貼頭合照盡顯甜蜜，不過最特別嘅，就係除咗兩個囡囡同時出鏡，向壽星媽媽獻吻外，連城城外父外母都有現身，一家人大影全家幅，非常溫馨。城城仲冧爆留言：「祝親愛的老婆。生日快樂，身體健康，事事順利，心想事成。」不愧為圈中數一數二嘅愛妻號。