MIRROR騷事故令飛天舞台被禁 Tyson Yoshi爆粗狂鬧:錢就使咗

2022年08月06日 10:01
東網電視
更多新聞短片
Tyson Yoshi4場演唱會昨晚(6日)假九展開鑼,演唱會上播放了一條短片,短片記錄了他為演唱會的準備事宜,包括飲食和做健身等,由於Tyson是MIRROR冧屏幕事故後第一個開騷的人,他的演唱會深受影響,片中他從經理人口中獲知原本設計的「飛天舞台」不能夠飛時,他忍不住爆粗:「一個人炒車,就全港都唔畀揸車,食屎啦!」片中他又透露拍擋Tiab不幸中招染疫,令他要獨自面對四方八面的壓力,相當頭痕。
現場他有感而發地說:「呢個騷幾攞命,唔知搞唔搞到,搞唔到我就破產,多謝契爺(贊助商),開唔到我就破產架啦,本來中間個飛天舞台係會飛嚟飛去,錢就使咗,台就擺咗喺度。」他續說:「我未試過咁冷靜,因為畀人玩得太多已無感覺,我每日嘅心情就係咁上上落落。」然後唱出《Stressed out》,認真應景。不過首歌未唱完,他突然在地上執起一個黑色bra,一面愕然,高舉黑bra說:「Christy ,唔關我事呀!有人掟上嚟,唔係我波大嘛!」說罷脫去身上的白色背心,赤膊上身展露渾身肌肉。之後他走落台,走到中間的「飛天舞台」上繼續唱,雖然「飛天舞台」不會起飛,但他邊騷肌邊唱,看到他心口滴汗,現場觀眾忍不住失控大叫。
Tyson每唱一首歌前,都會講解這首歌的故事。他說每次做慈善活動,都好想唱《Growing Up》,他稱寫這首歌時,正在過着返寫字樓的黑板生活,他說:「覺得自己如果咁樣返工返到60歲,好辛苦,於是有感而發寫咗呢首歌,但我依家最想患病的小朋友都可以快高長大,將來體驗返工既樂趣。」他又提到曾經到醫院探望一位患重病的小妹妹,滿足她臨終前想見他的心願,跟她傾偈後回家,他情緒變低落像電腦死機一樣,他聽自己首《if I die tonight》,喊了一個下午。他說時亦眼濕濕:「當時網上好多人鬧我,又爆咗我個地址,女友都畀人鬧,我好攰,想30歲就唔做呢行。我估唔到自己兩年前寫呢首歌,講中咗自己。」
Tyson Yoshi 並爆出原來經常有人向外表示簽了他做經理人,想攞着數,令他非常憤怒。但另一方面,他就大讚圈中的好大佬張敬軒(軒公),稱軒公曾親身來看他綵排,指點他如何唱而又不傷聲,Tyson 說:「張敬軒痴線架!好關心我,佢真係好好嘅人,好照顧我,好鍚我,軒公I love you,呢個大佬冇跟錯。」之後他感謝歌迷支持時,忍不住落淚。最後,他獻唱寫給女友的歌《Christy》時,向着台下的女友方向走近,女友走近台邊給他拍照,Tyson 摸一摸女友頭髮,十分sweet。
而其首場嘉賓,就請來唱作歌手湯令山(Gareth.T),他稱去年有去Tyson Yoshi的演唱會,笑說:「佢話我係香港Justin Bieber,不過我剪了頭髮。」在唱Hit歌《勁浪漫超溫馨》時,中途暫停作狀打拳及做掌上壓熱身,他解釋唔夠汗想爆汗,做完熱身後繼續唱。