走出婚變傳聞陰霾！湯唯罕晒全家福變「連體嬰」

內地女星湯唯與韓國老公金泰勇結婚多年並育有一女，惟今年初突然爆出湯唯帶女返內地定居與老公「分居」半年，即演變成婚變傳聞，當時湯唯即於社交網晒出一家三口腳疊腳照片，以實際行動粉碎婚變謠言。可能見太耐冇PO家庭照引起外間揣測，呢日湯唯再度罕有PO出全家福合照，雖然今次照舊冇見樣，但相中3人動作相當癡纏，見囡囡全喺爸爸媽媽中間玩玩具，兩隻手就分別翹住父母2人，而佢哋亦分別1人1隻手輕放喺囡囡腳上，一家三口十足連體嬰一樣，冤氣程度比起上次嘅腳疊腳更勝一籌。