帶挈老公張鐸登央視節目合唱　陳松伶難掩幸福閃爆舞台

女星陳松伶近年長駐內地發展，憑健康形象入屋，成為多個綜藝節目甚至央視節目嘅常客，地位超然，日前七夕佢更帶挈老公張鐸，夫妻檔登上央視，亮相節目《古韻新聲》合唱《順流逆流》一曲，佢哋一開始先各站於一方，然後慢慢去到舞台中央相會，十足牛郎織女喜鵲橋相會一樣，2人仲手指緊扣，兼同望遠方，意境相當浪漫。雖然張鐸廣東話發音唔太標準，但勝在有一把靚聲，同陳松伶非常合拍，網民即大讚天籟歌聲。