金剛返台送女友驚喜　回家驚現不明猛男嬲爆分手

台灣藝人金剛（李信樵）同過唔少靚女拍拖，當上一次公開拍拖就係2020年與黃瑜嫻（小嫻）嘅戀情，不過喺今年5月，二人宣布因性格不合分手，結束一年半多嘅感情，令人可惜。而金剛最近就現身台灣綜藝節目分享情史，佢話有次為咗送某任女友驚喜，當時仲喺香港工作嘅佢，靜雞雞返台灣見女友，仲Plan好睇電影，滿心期待。點知返到屋企，發現有位不明猛男坐喺客廳，而女友就着住背心熱褲喺床邊睇雜誌，仲同金剛講：「你有冇同我朋友打招呼？」金剛即嬲爆話：「這是我家！妳有問題嗎？」之後佢一怒之下離開，事後先知女友同猛男喺夜店認識，而金剛最終忍痛提分手，仲話該位女友之後仲好似同咗猛男一齊，真係陰功呀！