私藏「武器」!黃曉明錄節目竟然隨身攜帶西瓜刀?

2022年08月06日 15:01
東網電視
更多新聞短片
內地男星黃曉明離婚後,兒子「小海綿」雖然交由前妻Angelababy照顧,但佢依然對囝囝非常愛錫,未知係咪受囝囝影響,近日佢亮相內地真人騷《中餐廳》第6季,就展現童趣一面。節目組大玩突襲檢查行李箱,作為節目元老級人物嘅佢當然有備而來,一早準備好洗碗用膠手套,不過最搞笑嘅係,佢竟然隨身攜帶西瓜刀,全因準備好隨時切西瓜食,認真估佢唔到,而該西瓜刀亦相當有趣,紅色果肉型嘅刀身配綠色刀柄,成把刀都依然西瓜造型設計,充滿童真。另外,節目中嘅女嘉賓主持章若楠,就自爆帶備旅行用泡腳桶,因為每晚浸腳可以令皮膚更好,至於台灣男星陳立農就堅持一定要帶無線Mic,去到邊都可以高歌一曲。