李克勤搶學員慘食檸檬　彈出一句令全場爆笑

內地音樂選秀節目《2022中國好聲音》於昨日（5日）正式首播，今季導師有梁靜茹、李克勤、李榮浩等歌王歌后坐鎮，令一班觀眾大呼期待。節目中，李克勤以流行曲方式，獻唱廖昌永經典歌曲《海戀》，其高音完美、情感細膩，CD般歌聲將歌曲演繹得淋漓盡致，令人如癡如醉，大拍手掌。

而首集嘅搶人環節更加係戰況激烈，「火藥味」十足。來自香港的學員蔡子伊獲四位導師轉身，李克勤即拉近距離，話：「我覺得我哋有太多的共通點，第一個當然係我哋來自同一個地方，我覺得同聲同氣。第二，我係新鮮滾熱辣嘅上季冠軍導師。」克勤講完之後仲更擺出傲嬌姿態，不過最終蔡子伊揀咗李榮浩隊，令克勤爆咗句「芭比Q（完蛋了）」，搞到全場爆笑！