擺明抽水?張藝興孭「吳亦凡」登熱搜

2022年08月06日 17:01
東網電視
更多新聞短片
內地男星、前韓國EXO成員吳亦凡去年8月在北京因涉嫌強姦罪正式被逮捕,早前案件更低調閉門審理,而其一舉一動依然引起各界關注,今日(6日)其前隊友張藝興就意外與佢再度扯上關係,繼而登上話題熱搜榜!事緣張藝興領軍嘅真人騷《嚮往的生活》新一季現正熱播,新一集張藝興帶住一班小朋友出海玩耍,仲逐一孭起上岸,惟其中一個小朋友名叫「吳義帆」,普通話諧音同「吳亦凡」一樣而引起熱議,不過熱搜消息一出,張藝興嘅粉絲即鬧爆節目組有意「抽水」,刻意提起小朋友名字,借吳亦凡登熱搜,狠批此舉惡心,直指不希望偶像再與劣迹藝人扯上任何關係。