丁子朗爆郭柏妍周身傷含淚拍攝:佢係最勤力新人!

2022年08月06日 17:06
東網電視
更多新聞短片
藝人丁子朗(丁丁)與郭柏妍今日(6日)出席無綫新劇《下流上車族》拜神儀式,二人於劇中演情侶,丁丁大讚柏妍為最勤力新人,劇中飾演滑板高手的她,即使練到周身傷,也要含住淚拍攝,故非常欣賞她,相反自己戲外有玩滑板,卻要於戲中扮唔識。
柏妍透過露戲外也有向丁丁請教滑板技術,問到二人可有親熱戲?丁丁則說:「我哋係溫情,當然冇同戴祖儀嗰啲咁激。(係咪攞咗柏妍螢幕初吻?)呢個係第2套,我第1套係拎咗關嘉敏嘅螢幕初吻!」柏妍聞言即取笑丁丁是初吻殺手,被問到可有統計拿了多少女星螢幕初吻?丁丁即爆料說:「我點夠劉佩玥勁,佢成日咀小鮮肉。(向佢目標進發?)唔係,好多時感情線合情理都會做,其實同祖儀拍完之後,其他親熱戲都係小兒科。」
拍戲經少的柏妍,坦言丁丁不時給了演戲意見,令其得益不少,問到與經常爆肚的「爸爸」林敏驄合作是否很難搞?柏妍說:「佢都畀好多意見我,真係當我女咁教。(有冇攬住捉住你對手教?)係劇情需要啫!」