郭子豪等適當時機同鄧卓殷求婚:要畀個好歸宿佢!

20220806
東網電視
更多新聞短片
藝人郭子豪與江欣燕(欣欣)及校長鄧飛,今日(6日)為無綫節目《答得快 好世界》錄影,透露讀書時期修讀理科,故歷史方面認真麻麻,問到事前可有向學霸女友鄧卓殷請教?他說:「佢都唔係讀呢科,但我盡量都做少少功課。」
對於鄧卓殷近日表示未有收到其求婚戒指,子豪坦言:「因為一早畀大家爆咗,所以要再等適當時機,要畀個好歸宿佢。(你女友話等緊你!)佢啱啱先見完我,又冇聽佢講,咁佢要等多陣,我努力中。(你爭啲乜?)誠意,男士要穩陣啲!」談到其網上平台發展不俗,問到感情是否同樣穩定?他說:「又唔可以咁講,努力發展中會努力搵錢。(賺到第一桶金未?)努力中,唔遠啦!」
欣欣聯同校長鄧飛為《江山如此多FUN》部分任嘉賓主持,忙於為新劇《靈戲逼人》開工的她,透露原本未能參與節目錄影,但由於《江》節目乃她28年前主持的節目,認為很有紀念性,幸最後獲監製開綠燈,讓出時間給她參與。
欣欣不諱言與鄧飛校長甚有淵源:「記得《江》拍了3輯,佢當時係一名中學生,依家只得我有資格同佢講,你大個咗!(你輩份很高!)好驚呢,我佢鄧飛講,當年呢個節目冇一個參賽者可以變成主持,但佢細細個已經出人頭地。」