東方日報C2:姜濤退休有數講 專心做演員

20220807
東網電視
更多新聞短片
人氣男團MIRROR成員姜濤主演之英皇電影《阿媽有咗第二個》將上映,雖未知他會否現身首映,但之前他錄下宣傳訪問獨家曝光,其中對「退休計劃」有所微調,更揚言不做歌手可做演員,因喜歡演員可放下「偶包」,專心做喜歡的事!
MIRROR自演唱會發生事故後,12子面對入行以來最大的陰霾,需要時間振作,眾人仍在努力中,而姜濤、Jer及毛舜筠主演的英皇電影《阿媽有咗第二個》將於本月10日舉行首映,目前未知姜濤與Jer會否現身,不過眾演員之前曾拍攝製作特輯,分享了拍戲的點滴,其中姜濤受訪時談到「30歲前退休計劃」更因想繼續做演員而作出微調。當被問到是否喜歡演戲時,姜濤表示:「以前我成日都話想退休嘅,我依家會話我可能唔做歌手,走去做演員。因為發現演員嘅生活比較自由,冇咁多框框框住自己,做偶像嘅身份可能就會比較多規限,會冇自己嘅生活,覺得做演員會好玩好多。」
第一次拍電影,當然需要慢慢探索,亦會有不少新的想法,由拍攝第一日到煞科,姜濤對演戲的想法都有所改變,由充滿懷疑到變成一埋位便入戲,過程非常有趣,他說:「我覺得每個作品裏面都一定有遺憾,但就係呢啲遺憾,先至會令我更加想喺下一次演戲嘅時候做好啲,拍戲一開始會充滿懷疑,到中段慢慢信任個角色,去到後期一埋位就變成個角色,我覺得呢個過程好好玩。演戲比我想像中好玩,我日後都想繼續嘗試演戲。」
姜濤直言自己距離真正的演員還有很遠的路,但會努力:「見到毛姐(毛舜筠)之後,發現演員真係唔係一個隨便嘅職業,你一定要好尊重呢個行業。」
Jer:再痛都要move on
至於Jer在片中飾演毛舜筠兒子「子軒」,於破碎家庭長大。對於這個角色,Jer直言初初難以理解:「其實我同『子軒』係有落差嘅,佢經歷咗好多嘢,本身我來自一個happy family,爹哋媽咪都好支持我,我冇諗過喺一個破碎家庭長大係點,好彩我本身個人比較感性,好容易代入到角色嘅感受,我都feel到如果爹哋媽咪分開係真係會痛,雖然好痛,但要學識move on去接受。」
毛舜筠拍出默契
至於電影兩位女猛將,導演彭秀慧以及影后毛舜筠,今次合作可謂惺惺相惜,毛舜筠直言:「我好鍾意同一個演員出身嘅導演合作,因為做過演員嘅導演係容易啲捉摸到個角色、演員嘅表達,特別係呢套講關於女性嘅電影,係有一種默契。」
彭秀慧亦指與毛舜筠合作得十分愉快:「由第一日傾呢個古仔,我發現『原來女人真係可以好啱傾』,然後喺拍攝現場嘅時候,我要導毛舜筠你估冇壓力咩?梗係有啦!但好奇怪係佢冇畀到壓力我,而當佢有少少認同我,例如我有時會講『呢個take冇上個take咁好』,佢會話『我都覺得係』,呢啲就係我哋共同嘅判斷、近似嘅睇法,於是個信任就建立起嚟喇。」
更多新聞,請瀏覽東方日報網頁: