前港姐王菲七夕上載素顏相　第一次出埠好興奮

前港姐王菲日前趁七夕上載素顏靚相到社交網，透露正獨自於酒店進行隔離，原來她將參與新劇《香港人在北京》，故完成隔離後便轉飛寧波，會合同劇的陳展鵬、吳若希及吳業坤等。

正在倒數出關的她，接受東網訪問時表現興奮，她說:「今次入行後第一次出埠拍攝，未試過去咁遠工作，好想知第二個地方同香港拍攝有咩唔同嘅地方，以前成日聽日講，我好羨慕，依家終於有呢個機會(喺酒店有咩做?)呢幾日都係睇劇本同電影，作息好定時，每日3餐都有人送上嚟，休息時間充足，瞓嘅時間比香港多，可能幾日後我會肥咗，但我覺得成件事好健康，同埋一直都好想增肥，所以就算真係肥咗，都未嘗唔係好事。」