小角色升呢視后！胡定欣難忘當年由演護士開始

視后胡定欣有份主演嘅劇集《白色強人II》正在熱播，喺劇中佢同郭晉安展開明爭暗鬥，相隔3年再次有新劇推出嘅佢盡騷視后級演技，大獲好評。其實佢嘅演技係日積月累而成嘅，由演小角色做起，佢曾經喺訪問中透露自己演過最小嘅角色，係由演護士同埋妓女開始㗎，佢話：「我仲要係行過咋喎！」

其實佢喺2003年於劇集《俗世情真》同《戀愛自由式》中飾演護士，只有幾句對白，不過當年仲未喺藝員訓練班畢業嘅佢，被監製潘嘉德欽點參演劇集《衝上雲霄》，飾演馬德鐘妹妹凌卓芝，之後佢仲演咗多部劇集，不過都係閒角。到咗2004年演於《大唐雙龍傳》中飾演妖女「婠婠」一角，憑住妖艷外表而打響名堂，成功吸引唔少粉絲，到咗2012年佢喺《拳王》演聾啞人士丁恩慈，奪得最佳女配角，演技備受肯定，到咗2015年佢憑《鬼同你OT》首奪得視后，翌年再憑《城寨英雄》成功衛冕！