拍靈異劇上癮？！李成昌新劇一改法師形象

洪永城、鄭詩君（C君）同盧思麟聯合監製劇集《凶宅清潔師》，正於J2 82台熱播中，劇中飾演法師的李成昌戲份極重，長髮look加頸巾造型，一改過往法師老土外形，非常摩登。李成昌受訪時透露多得形象設計師幫手，他說︰「嗰日去到試造型好開心，之前以為好老土道士打扮，估唔到咁好睇。仲要嗰款假髮恨咗戴好耐，像真度好高。」惟一美中不足，是要像古裝頭套般靠「黐」︰「黐都辛苦，不過貪靚冇辦法。」

李成昌目前正拍攝劇集《靈戲逼人》，加上早前大受歡迎的《異搜店》以及《凶宅清潔師》，他似乎近年大旺靈異劇集，他笑說︰「唔好做（靈異片）代言人呀，驚啲『兄弟』唔鍾意，得罪佢哋，剛剛喺公司場地已經拍咗場神功戲，好彩都相安冇事。做演員唔想定型，都想試多啲唔同角色。」