大肚鍾嘉欣精心準備仔女生日P　疫情下溫馨賀壽

藝人鍾嘉欣正懷第3胎，一早就以家庭為重嘅佢，雖然已經佗到7個月，不過佢都唔介意懷住巨肚為一對仔女精心準備生日P，母愛洋溢！佢又例牌為仔女慶生，8月27日生日嘅大女Kelly同9月6日生日嘅細佬Jared一齊成長，喺加拿大生活嘅二人，今年生日都繼續「大搞」。

見鍾嘉欣晒出多張幫靚相，並寫道：「祝我永遠的寶貝們生日快樂。有你們的生活真是太棒了。爸爸媽媽很高興我們今年可以為你們舉辦生日派對。我們非常愛你，當然永遠愛你們。」原來佢一早就為小朋友訂好一人一個特製生日蛋糕，仲整埋Backdrop、生日氣球、Table setting等，盡心為仔女打造最Warm嘅生日會。