胡杏兒分享最差接吻戲經驗:錫完之後我當場嘔!

2022年08月08日 18:01
東網電視
更多新聞短片
藝人王祖藍任主持的綜藝節目《有個閨密叫祖藍》,最新一集邀得胡杏兒任嘉賓,二人除了玩「閨密快問快答」、還於製作組安排下與「偶像」曾比特(Mike)於卡拉OK大玩「閨密不息」,合唱《現代愛情故事》,還額外獻唱了《千言萬語》,笑指大仔曾聽到落淚:「我老公好鍾意呢首歌,大仔1歲時我唱過呢首歌畀佢聽,我唱到佢流淚,好似好感動咁,唔知係咪我唱得難聽呢?哈哈!」
談到杏兒,祖藍讚不絕口,指對方「牛」性甚重:「佢好勤力、好顧家、好錫老公、好錫小朋友。佢都話辛苦,就真係好辛苦㗎喇。」祖藍又指私下與杏兒私交甚篤:「真係要多謝你,每次娘家搵你,你都好幫手。」二人於Mike主持的「閨密任務之問答環節」中,齊齊回顧處女及處男大碟趣事,當中最搶鏡是祖藍昔日樣貌,對此祖藍自言當年「偽林峯」形象非常難頂:「當年我同林峯同一間唱片公司,我都好奇怪,佢哋整長咗我對腳,又磨咗我啲皮,真係當咗我係林峯咁Sell。」杏兒對於祖藍當年比現在瘦足幾個碼,亦大感奇怪。
而於「Truth or Dare」環節,面對製作組設計的一連串刁鑽問題,杏兒相當頭痛,此時祖藍竟想到拉「負評王」李思捷落水:「有冇討厭嘅人?李思捷嗰啲呢?」杏兒聞言即開懷大笑,並緊接爆料:「佢唔會打電話畀我。」提到「最差一次接吻戲經驗」時,杏兒苦思良久後竟想到超爆笑陳年經歷:「我記得係拍《當狗愛上貓》,嗰場戲其實冇乜嘢,但我唔知係個胃唔舒服定點,錫完之後我當場嘔。」