高海寧化身山系女神　 「爬」大金鐘山頂超驚險

藝人高海寧（高Ling）熱愛戶外活動，社交網不時分享郊遊靚相。而昨日（7日）佢就喺社交網貼出行山片段，見佢同幾位朋友去咗西貢行山。高Ling仲戴上手套爬上陡峭嘅山路，挑戰自己嘅體能，仲留言話：「堅爬㗎，唔係講笑！我哋爬緊要用手爬嘅山。」而成功到埗嘅佢仲喺「大金鐘山頂」打卡，笑得非常開心，又影咗唔少山下靚景留念，仲喺貼文寫到：「秋遊，原來今日係立秋。」而網民就紛紛留言話：「好叻女」、「下次着行山鞋好啲」、「又靚又可愛」、「恭喜你征服咗呢座山」、「手長腳長爬山有着數」。