港姐2022︱林鈺洧地獄減肥想瘦多1倍　邢慧敏有料爆...

應屆港姐（8）林鈺洧和（13）邢慧敏同是高妹一族，自入圍以來私交甚篤。二人今日（8日）於受訓營繼續孖住受訪，曾揚言要收身的林鈺洧表示減肥有成績：「已瘦咗3、4公斤，不過都想再瘦多1倍。（唔敢食嘢？）我係健康減肥，冇用斷食同液體治療法（意指飲果汁及蔬菜汁）。」邢慧敏則踢爆好友集訓一有時間，即就地做運動：「無端諯見佢瞓喺度做sit up ，真係好搏。（你反而要增肥？）係，做模特兒就冇問題，依家上鏡就太瘦喇。」二人同加入Musical組受訓，指導師首日已傳授方法「練功」，相信唱功會進步得很快。