Marf@COLLAR捲入虐畜紛爭　獲邀到狗場視察釋除公眾疑慮

女團COLLAR成員Marf（邱彥筒）出道前做過獸醫護士，相當關心小動物，充滿愛心，仲經常都喺社交網轉發有關動物帖文，不過近日佢就因為轉發帖文，而捲入拯救遺棄和流浪動物機構與其前義工嘅紛爭之中！該機構被前義工發文指控虐待動物及私藏小狗，而Marf就轉發了該前義工嘅帖文，因而被該機構指不知真相情況下轉發貼文，令其聲譽受損，仲希望邀請Marf到狗場視察係咪有虐待動物嘅情況，盼能釋除公眾疑慮，並懇求Marf轉發帖文前要先三思而後行。