王陽明分享18年前畢業相　 出土長髮Look驚喜曝光

今日（8日）係台灣父親節，男星王陽明（Sunny）喺社交網晒出相片。第一張相係佢同爸爸嘅合照，相中佢一頭長髮，頭戴四方帽，着上紫色嘅畢業袍，高大有型。而爸爸就企喺旁邊靦腆微笑，場面溫馨。而Sunny喺貼文寫到：「父親節快樂Happy Fathers Day！Love you Dad.第一張是18年前大學畢業的照片，對！我以前留長髮的。」而第二張相則係佢抱住阿女Katiya出去玩嘅照片，寫到：「Miss you so much Katiya. See you soon. Thank you Dizzy for giving me Katiya and making me a Father. 祝所有爸爸們父親節快樂！」而網民就留言大讚：「哥長頭髮超帥」、「你爸跟你一樣長得很多有型」、「帥爸父親節快樂」、「好父親」。