陳凱琳同移加細佬日日都有傾電話 講明唔會再理林作

2022年08月09日 14:59
東網電視
更多新聞短片
陳凱琳(Grace)在中環街市出席身兼監製與主持的明珠台節目《Love Matters with Grace 》「愛 •嘉年華」活動。
Grace細佬Derek早前被指與爸爸不似樣,惹來林作挑機出千萬求驗DNA,引發連串風波。節目其中一集Grace會請來細佬分享在網上結識異性的經歷,因他與太太正是從網上認識,講到已經移民加拿大弟弟近況,她笑言因每日也會通電話,所以也沒有特別掛念,細佬現正放假休息也未開始搵工。講到經過「驗DNA風波」Derek心情是否平伏?她說:「嗰件事發生嘅時候佢都OK,佢都識諗嘅。(告一段落?)都冇諗咁多,唔需要再攞出嚟講。(Derek嗰集出街再惹林作攻擊?)我諗呢個訪問出街都會引起佢講啲嘢,佢都有自由去講同出post,自己都有呢個準備,希望佢做呢件事心態都只係娛樂吓。(有冇諗過驗DNA驗明正身?)唔會。呢件事都告一段落,唔會再諗,唔會再講。」
Grace今次與林肯聯合監製節目,要為節目兼前顧後,在節目中與朱千雪談到婚姻,她亦有分享與老公鄭嘉穎的經歷,問到為甚麼不請嘉穎做嘉賓?她說:「遲啲先,我驚一齊做節目會好多爆肚。」