翻版蕭亞軒！張雨綺爆換畫再撻小鮮肉　疑似共賦同居

內地女星、「星女郎」張雨綺感情生活多姿多彩，曾經歷過兩段婚姻，去年更認愛細8歲嘅小提琴家男友李柄熹，但之後又傳「愈食愈Young」，同24歲內地藝人張墨懷街頭攬攬，成為「小鮮肉殺手」！近日佢再爆出有新歡，對象同樣係嫩口弟弟，連日來張雨綺同呢位嫩男過從甚密，男方不但曾多次去到女方工作地探班，日前佢哋更被拍得齊齊着上粉色情侶裝現身酒吧，並一同離開返回寓所，男方甚至被捕獲於女方住處樓下出沒，疑似正值同居關係！網民即大表羨慕，笑指佢係女人嘅典範，仲話簡直係「翻版蕭亞軒」！