歐陽娜娜「肉腿」外露！攝影師瞓身低炒都救唔番發福身材

台灣女星歐陽娜娜造型百變，早前被指戴假髮似足「MK妹」嘅佢，近日再接再厲轉新Look，換上新髮色突變紅髮女現身機場，見佢興奮地與自己嘅廣告燈箱合照打卡，又喪擺甫士狂影多張時尚美照，雖然佢着上超短牛仔裙騷腿，不過反而因為咁引起網民負評，直指佢一雙「肉腿」幾乎逼爆裙，加上攝衫戴皮帶嘅着法盡顯五五身材，狠批發福不少，有網民更從背後鏡子倒映見到工作人員嘅身影，發現工作人員勁辛苦咁踎低攞角度，先勉強令歐陽娜娜雙腿顯得略為修長少少，大讚工作人員好敬業：「可以從鏡子裏看到拍照的人多麼賣力」、「辛苦了」。