林俊傑重遊成長舊地自彈自唱　見證天王蛻變之路

新加坡天王林俊傑音樂才華毋庸置疑，多年來創作過唔少經典金曲，包括：《他說》、《修煉愛情》及《不為誰而作的歌》等，首首都燴炙人口、唱到街知巷聞。讀完中學就放棄升學加入樂壇嘅佢，其實自小就充滿音樂天份，呢日佢就回憶自己嘅音樂發源地，原來全靠小時候經常琴行流連，培養出對音樂嘅熱愛，成就咗今日嘅天王！佢仲特意重遊舊地，返到琴行自彈自唱，見證多年來嘅蛻變，亦提醒自己不忘初心，繼續追夢，佢表示：「還記得小時候，經常在放學後溜到琴行，偷偷在三角鋼琴練歌寫歌...沈浸在『屬於』自己、有愛有夢有情的地方！謝謝琴行再次借出場地，是重溫，也是一種提醒 ，勇於夢想、努力實踐！」