舒淇難得孖馮德倫冧攬合照　賀生日轉行做演員

藝人舒淇同老公馮德倫恩愛多年，時不時都會放閃，驚喜隨時有，今次就係尋日（9日）馮德倫48歲生日，雖然未知二人點樣過，不過佢哋就選擇晒出甜蜜頭貼頭合照，當中舒淇仲大爆轉行做導演多年嘅馮德倫，原來真係要回歸演員行列，除咗祝佢愈嚟愈靚仔，啲戲仲好過影帝梁朝偉之外，仲可以賺錢畀舒淇自己大吃大喝隨便旅遊，認真大想頭。不過大家本身都以為馮德倫早前主演內地劇《暗夜行者》只係過一過戲癮，依家聽到舒淇「宣布」馮德倫重回幕前，真係一大喜訊！