阿Mo日漸康復︱So Ching連環發愛的晚安　父母再現身醫院

於MIRROR紅館演唱會意外受傷嘅舞蹈員阿Mo（李啟言），最近有好消息傳出，阿Mo已清醒過來，能簡單與外界溝通，亦再次接受手術，上周六（6日）已完成呼吸造口手術。而連日嚟阿Mo女友、女團COLLAR成員So Ching都打破沉默，日日上載社交網，仲特別同阿Mo Say Good night，尋日（9日）佢留言：「Goodnight bou！」明顯係心情佳，令粉絲推斷阿Mo情況應該係日漸康復，令到So Ching心情都愈嚟愈靚，因此連環發「愛的晚安」畀男友，值得令人鼓舞。

而今午約12時，Mo父母再次冒住風雨現身醫院，被問及網上流傳阿Mo「眾籌」醫病嘅消息時，李父合十對鏡頭表示：「多謝晒！多謝晒！」便急急入內，未有回應事件。至1時左右離開時，對再被問到眾籌一事，李父僅回應：「多謝關心。」就上車離開。