胡杏兒相隔5個月返港　即孖老公撐枱腳享受2人世界

女星胡杏兒今年3月帶住細仔北上開工，並出戰《乘風破浪》，隨住比賽落幕，佢近日終於返港，相隔5個月同老公李乘德及大仔二仔，一家五口團聚。久違返港，佢即時同老公拍拖，撇甩囝囝享受2人世界，李乘德於社交網大晒撐枱腳合照，見佢哋齊齊着上黑色情侶裝，杏兒有老公相伴，即時露出燦爛笑容，而李乘德亦表現甜蜜，仲留言表示：「很久沒有和李太共進午餐了，歡迎回來，好耐冇見」，非常享受兩公婆嘅浪漫時光。