車禍手術後精神滿瀉　林志穎連續兩日Online玩電話

台灣男星林志穎上月發生嚴重車禍，已完成第一個手術嘅佢轉往普通病房，估計半年內可以恢復正常運動。估唔到佢嘅好消息都陸續有嚟，網友就發現佢由8月7日、8日都去到社交網「超話」入面簽到，代表佢兩日都有Online睇粉絲嘅留言同Update。雖然佢未有更新社交網，但粉絲今次驚喜見到佢本人特意空降超話親自簽到，成為佢車禍後本人首次空降，以特別方式同大家報平安，更顯示佢已經有精神玩電話，對網友而言真係一大好消息！