Alex玩Poker振夫綱!吳若希慘輸被老公白眼

20220810
東網電視
更多新聞短片
由郭偉亮(Eric)、方力申(小方)和陳欣茵主持的J2台節目《鋪鋪Poker》,本周六(13日)晚播出的最新一集,除了繼續有葉佩雯(Grace)與Eric大耍花槍外,接力再有吳若希與老公Alex上演「爛賭夫加爛賭妻」。出名「虎妻」的吳若希,去到Poker枱竟由上靶變下靶,除了遭Alex無限「負評」及「白眼」,更無論手持爛牌或是好牌都遭老公一嘢睇穿,加上吳若希七情上面的反應,整集節目氣氛極為高漲。
原來Alex是Poker高手,早於20年前左右已開始參加世界性比賽,連吳若希亦忍不住甜笑大讚:「好勁呀,我老公真係!」平時嘻嘻哈哈的吳若希,來到Poker枱上仍改不了大笑姑婆本色,更多番以「聲殺」擾亂對手Alex、小方和Eric視線,可惜每次都遭老公一嘢睇穿,更慘成3子圍攻及狂踩對象。Eric問Alex老婆在家中是否一樣經常嘻嘻哈哈,Alex停頓數秒苦思後竟爆出一句:「佢喺屋企咆哮多啲。」
自信十足的Alex為了振夫綱,更3度在Poker枱上激動表示不介意自殘力證自己對愛妻睇通睇透,就連吳若希手持甚麼牌也瞭如指掌:「佢笑到咁,我同你講,佢一定中咗隻三!如果佢係三條,佢唔講嘢架喇。」被老公連環「踢爆」的吳若希全程只能「以笑遮醜」,Eric及小方亦笑得合不攏嘴。
除了牌局吸引又爆笑,吳若希與Alex還分享了二人獨特的「夫妻的世界」。當Eric問經常公開畀老婆窒住晒的Alex到底有沒有底線時,Alex搞笑回應:「其實尊嚴係一早拍拖時已經冇咗,因為我有少少(享受)被虐嘅感覺,咁啱我老婆係鍾意虐待人嘅。」吳若希聞言即反擊指是Alex「自己攞嚟」,邊說更邊大方分享Alex的「自虐」行為。
除了分享與老公不為外人知的相處樂趣,吳若希還化身娛樂新聞主持,大爆小方擇偶條件之餘,又追問小方與陳曉華緋聞孰真孰假,令小方尷尬到不得了。