張敬軒「軒公」變「恩公」　吳林峰音樂造詣靠佢上巔峰

張敬軒最近由「軒公」變成眾人「恩公」，繼早前人氣男圑MIRROR演唱會發生嚴重事故，傳他提供酒店房給12子及舞蹈員靜養及心理專家調節情緒外，剛於九展舉行完個唱的Tyson Yoshi又多謝軒公親自捧場及給予舞台上的珍貴意見，而歌手吳林峰亦在社交網上公開感謝「軒公」：「擔任張敬軒演唱會嘉賓後獲益良多，可以喺嚟緊嘅音樂會度學以致用，嚟緊12號有演出，軒公畀咗我好多意見同想法，我都有向佢請教咬字方法，（有冇偷師？）多多少少都有，因為佢講咗好多我唱歌時冇注意到嘅小習慣，佢令我對唱歌多咗啲概念。」

而同一個一連3日的活動上，有份演出的黃妍將聯乘小塵埃、Michael C等音樂單位登上舞台，透露早已為歌迷準備「特別禮物」：「今次首次以『Our Works Our Live』參與演出，所以同另外3位夥伴傾咗啲特別歌單，我除咗個唱自己嘅歌曲外，亦會同小塵埃、Michael C合唱冇演出過嘅歌曲。」