黃依汶囝囝幼稚園畢業英氣十足　培養兒子文武雙全靠呢樣嘢...

藝人黃依汶息影多年從商，2006年與藝人陳國坤誕下兒子陳真後，便專心照顧家庭，加上近年陳國坤主力北上工作，黃依汶就獨自照顧兒子。日前陳真幼稚園畢業，黃依汶與他影了多張合照，只見陳真靚仔又精靈，甚有母愛的她更錫錫兒子，雖然未見父親陳國坤現身，但她就拎住老公的人形模型及熊貓公仔一同拍照，更留言：「畢業了！感恩這些年都能好好陪着你。」之後搞笑標籤「畢業照依然有爸爸」、「仲有最愛嘅Panda！」相當有愛。

黃依汶為了全心照顧兒子，在2019年將手錶生意賣盤，更栽培兒子學功夫劍擊文武雙全，她曾在受陳敏之的短片頻道節目中說道：「冇人天生識湊仔，我係睇好多育兒書，我仲會儲起一啲有道理嘅文章去提醒自己，用咩方法去湊小朋友先啱。因為生咗小朋友出嚟，我哋要對佢負責任，教育小朋友有一個好嘅習慣，自然會影響到佢，擁有到好嘅性格。」