獎門人︱炎明熹被曾志偉笑係火星人 玩爆大波任人宰割

20220810
東網電視
更多新聞短片
無綫「聲夢人氣王」炎明熹(Gigi)和冼靖峰(Archie)等「聲夢隊」,今晚(10日)在將軍澳電視城為《開心無敵獎門人》錄影。Gigi出場時被「獎門人」曾志偉取笑是「火星人 」,又指今日的髮型是她的招牌齊陰頭,Gigi則笑說:「我係曾生嘅阿孖……孖頭呀。」森美笑說:「你唔可以媽高層。」志偉笑說:「今晚要靠森美翻譯。」
Gigi玩「爆大波」遊戲要講出十個被老師罰的原因,她雖然表現驚慌,更被隊長森美取笑擔心一個答案也答不出,但也答了多題,但最後也難逃爆波懲罰,她笑說:「我好似一個任人宰割嘅機器。」
Gigi受訪時表示最喜歡獎門人的「大電視」遊戲,如果有機會玩希望做動作給隊員估的人。問到可擔心大家估不到?她笑說:「我就係想所有人陪我唔明。」Archie笑說:「我哋係同一組,係要畀我哋估中。」他又稱最喜歡看人玩辣辣壽司,希望自己不會吃到。
Archie剛由內地拍劇返港,過去3、4個月可謂大開眼界,見識到不同的創作,他說:「開頭講國語都有啲擔心,但後來講多咗就好啲。」Gigi透露在內地拍了一個真人騷,過程歡樂又震驚,她笑說:「震驚係所有人都好投入,我就呆咗,嚟唔切反應,呢方面要加把勁。」談到容祖兒在內地拍真人騷要食豬糧,問Gigi可敢嘗試:「嚟就嚟,Come on!」
Archie對於早前失言引起軒然大波,直言經一事長一智,在內地拍劇期間有翻看了自己的訪問片段、語氣、用詞,並作深切反省,最重要不要白交學費。
而C君帶領眾J2ers包括倪嘉雯、黃紫恩 (JoJo)、吳兆麟、胡敏芝等組成「J2隊」。C君進行「爆大波」遊戲要求發10個毒誓笑言:「矮過曾志偉、得罪珍姐、激嬲樂小姐….」相當搞笑。
C君受訪時講到王祖藍否認不滿他擔任J2創意總監,更表示子鍾意對方,他笑說:「愛佢愛到不得了。」C君受訪亦否認不和傳聞:「多謝,我都愛,直情要隔空示愛,呢啲好早已經講咗,都幾好笑。」
講到J2大改革後可滿意節目成績?他笑說:「永遠都唔會滿意,可以做得更好,想有更多時間製作,嚟緊嘅節目會畀依家好,多啲Budget希望今晚喺獎門人贏多啲幫補吓。」講到帶領一班J2ers亮相,他笑謂過去也由人照顧,現在要照顧人並不習慣,惟有用天生天養的方法。