成團實至名歸！蔡卓妍大跳青春韓團舞不輸「十八廿二」

女星蔡卓妍（阿Sa）近日憑內地真人騷《乘風破浪》人氣再升，最終佢更獲得好成績，同好姊妹鍾欣潼（阿嬌）拍住上，成功獲得成團出道席位。喺節目中大獻精湛舞技嘅佢，似乎比賽完滿結束後依然未跳夠喉，呢日繼續喺社交網拍片騷Quali，片中見佢型格登場，每個Wave都力度十足相當到位，一時彎腰一時擘腿，又跳又扭，充滿活力，靈敏度完全唔輸畀啲「十八廿二」，加上佢嘅「妹妹頭」齊陰髮型，即時少女味爆棚。網民大讚阿Sa百變，連呢種青春偶像韓團舞都能夠駕馭，成團「再出道」簡直實至名歸。